अजित पवार यांनी स्पष्ट केले आहे की, माणिकराव कोकाटे यांच्या काही वक्तव्यांमुळे राज्य सरकारची प्रतिमा मलीन होत आहे, जे कदापि सहन केले जाणार नाही. कोकाटे यांच्या मंत्रिपदावर सोमवारी अंतिम फैसला होण्याची शक्यता अजित पवार यांनी वर्तवली आहे.
काय आहे प्रकरण?
कृषीमंत्री माणिकराव कोकाटे यांनी नुकतेच "शेतकऱ्यांकडून एक रुपया शासन घेतलं, शेतकऱ्यांना एक रुपया देत नाही. आम्ही शेतकऱ्यांकडून एक रुपया शासन म्हणजे भिकारी, कोणी शासन आहे शेतकरी नाही," असे वादग्रस्त वक्तव्य केले होते. या वक्तव्यामुळे अजित पवार कमालीचे नाराज असल्याचे दिसून येत आहे.
यापूर्वीही कोकाटे यांना दोन वेळा अशा प्रकारची वक्तव्ये न करण्याबद्दल इशारा देण्यात आल्याचे अजित पवार यांनी सांगितले. "कृषीमंत्री असो किंवा कुणीही असो, सर्वांनी भान ठेवूनच बोलले पाहिजे," अशा शब्दांत अजित पवार यांनी कोकाटे यांना फटकारले आहे.
अजित दादांच्या या स्पष्ट आणि कठोर भूमिकेमुळे माणिकराव कोकाटे यांच्या मंत्रिपदावर **टांगती तलवार** असल्याचे राजकीय वर्तुळात बोलले जात आहे. सोमवारी यावर काय निर्णय होतो, याकडे आता सर्वांचे लक्ष लागले आहे.
---
0 Comments