मराठा आरक्षण जी आर एक महिन्यात होणार

 मुंबई | गीता संघर्ष वृत्तसेवा :

 मागच्या आठवड्यात जालना येथे मराठा समाजावर लाठीचार्ज करण्यात आला. त्यामुळे राज्यातील राजकीय वातावरण तापलं आहे. मराठवाड्यातील मराठ्यांना कुणबी समजाचं जातप्रमाणपत्र द्या, अशी मागणी प्रमुख आंदोलक मनोज जरांडे पाटील यांनी सरकारकडे केली आहे.

त्यावर मुख्यमंत्र्यांनी समितीची घोषणा केली आहे. राज्यातील अनेक नेत्यांची पावलं सध्या जालन्याकडे वळली आहेत. राज्यातील विविध पक्षाचे प्रमुख नेते जालन्यातील आंदोलनस्थळी जाऊन मनोज जरांडे पाटील यांची भेट घेत आहेत. काल मनसे अध्यक्ष राज ठाकरे यांनी मनोज जरांडे पाटील यांच्यासह आंदोलनकर्त्यांची भेट घेतली. त्याचवेळी भाजप नेत्या पंकजा मुंडे यांचा शिवशक्ती दौरा सुरू झाला आहे.

दरम्यान सहा राज्यांमधल्या सात विधानसभा पोटनिवडणुकीसाठी आज मतदान होणार आहे. भाजप आणि इंडिया आघाडी यांच्यापैकी यश कुणाला ? याकडे सगळ्यांच लक्ष असेल. झारखंडमधील डुमरी, केरळमधील पुतूपल्ली , त्रिपुरातील बॉक्स नगर , धनपूर उत्तराखंड मधील बागेश्वर , उत्तर प्रदेशातील घोसी आणि पश्चिम बंगाल मधल्या धूपगुरी या जागांवर आज मतदान होईल.