उदगाव ग्रामपंचायत विकास कामावरून राडा

  जयसिंगपूर/गीता संघर्ष वृत्तसेवा। 

 उदगाव (ता. शिरोळ) गावांतर्गत टाकण्यात येणारे मुरमाचे दगड हे मोठे असल्याने नागरिकांना त्याचा त्रास होत आहे. त्याची विचारणा केल्याने ग्रामस्थ व एका सदस्यात जोरदार धुमश्चक्री उडाली. अखेर उपसरपंच रमेश मगदूम यांनी ते काम पूर्णत्वास नेण्याची जबाबदारी घेतल्याने व इतर सदस्यांनी हस्तक्षेप केल्याने वाद मिटला.     .

                            उदगाव  ग्रामपंचायतीची विशेष ग्रामसभा पार पडली. अध्यक्षस्थानी सरपंच कलिमून नदाफ होत्या. यावेळी 'आजादी का अमृत महोत्सव' कार्यक्रमावर सविस्तर चर्चा झाली. सर्वांनी ध्वजसंहितेचे काटेकोर पालन करावे, असे ठरले. जलजीवन मिशन अंतर्गत करण्यात येणारी कामे, पंधरावा वित्त आयोग यासह बऱ्याच विषयांवर चर्चा झाली;                                                                      

                        परंतु गावात टाकण्यात येणाऱ्या मुरमामुळे नागरिकांचे हाल होत आहेत, हा प्रश्न उपस्थित झाल्याने सदस्य व ग्रामस्थांमध्ये जोरदार वाद झाला.
शिवाय, ग्रामपंचायत मालकीच्या जमिनीवर, गायरान जागांवर व उदगाव टेक्निकल हायस्कूलच्या मागील बाजूस असणाऱ्या गावठाणावर वृक्षारोपण करण्याचे ठरले.                                                                              

              'आजादी का अमृत महोत्सव' कार्यक्रमांतर्गत वेगवेगळे उपक्रम राबवले जात आहेत. त्यामध्ये नागरिकांनी सहभागी व्हावे, असेही आवाहन करण्यात आले.                                       

                       पंधराव्या वित्त आयोगांतर्गत कामे बदल करण्याचे ठरले. यामध्ये रेन वॉटर हार्वेस्टिंग ऐवजी पाणीपुरवठा विभागाचे लाईट बिल भरणे व सांडपाणी व्यवस्थापन करण्याचे ठरले.                                                                                                           

             यावेळी उपसरपंच रमेश मगदूम, ग्रामविकास अधिकारी नंदकुमार निर्मळे, पोलीस पाटील अनुराधा कांबळे, ग्रा. प. सदस्या दीपिका कोळी, सावित्री मगदूम,दिलीप कांबळे, 

                                                                                                आकाश कोळी, स्वरूप शिंदे, चेतन कोरे यांच्यासह ग्रा.प. सदस्य व ग्रामस्थ उपस्थित होते